தேசம் ஞானம் கல்வி ஈசன் பூசையெல்லாம்

பணம் என்றால் பிணமும் வாய் திறக்கும் என்பார்கள். பணத்தின் முன்னால் சத்தியம், தர்மம், நீதி, நேர்மை, மனிதாபிமானம் உட்படப் பிற நற்குணங்கள் யாவும் அகன்று மனிதன் சுயநலவாதியாகும் கேட்டை நாம் கண்கூடாகக் காணும் காலமிது.
கருப்புப் பணத்தையும், சாராயம் மற்றும் பிற முறைகேடான வழிகளில் ஈட்டிய பொருளையும் மூலதனமாகக் கொண்டு அரசியல் ந்டத்துவது வாடிக்கையாகி விட்ட நிலையில், உள்ளத்திலே கள்ளத்தனத்தை ஒளித்து வைத்து உத்தமர் போல வேடமிட்டு மேடையேறி, நான் சத்தியசந்தன், நேர்மைக்காகப் பாடுபடுபவன், ஏழைகளின் தோழன் என்றெல்லாம் பொய்யுரைத்து, மக்களை ஏமாற்றி ஆட்சி பீடத்தில் அமர்ந்த பின்னர் தன் சுயரூபத்தைக் காட்டுவதும், பின்னர் சில காலத்தில் மீண்டும் உத்தம வேஷம் போடுவதுமாகத் தொடர்ந்து அரங்கேறும் நாடகங்கள்.

இத்தகைய நாடகங்களையும் மக்கள் மீண்டும் மீண்டும் நம்பிச் சீரழியும் காலம் என்று மாறுமோ?

இத்தகைய பொய்யான முகங்கள் அரசாள்கையில் சாமான்யனுக்கு உண்மையின் மீதுள்ள பற்று மாறி அவனும் போலியாக வாழத் தலைப்படுகிறான். நஞ்சினை நெஞ்சில் வைத்து நாவினில் அன்பு வைத்து நல்லவன் போல் நடிக்கிறான்.

இது இக்கால வாடிக்கை. எவ்வளவு காலம் அரங்கேறுமோ இவ்வேடிக்கை?

தேசம் ஞானம் கல்வி ஈசன் பூசையெல்லாம்

படம்: பராசக்தி
வருடம்: 1952
இயக்குனர்: ஆர். கிருஷ்ணன், எஸ். பஞ்சு
வசனம்: கலைஞர் கருணாநிதி
நடிகர்கள்: சிவாஜி கணேசன், எஸ்.எஸ். ராஜேந்திரன், சஹஸ்ரநாமம், பண்டரிபாய், சரோஜினி
இசை: ஆர். சுதர்சனம், R Sudarsanam

தேசம் ஞானம் கல்வி ஈசன் பூசையெல்லாம்
காசு முன் செல்லாதடி
தேசம் ஞானம் கல்வி ஈசன் பூசையெல்லாம்
காசு முன் செல்லாதடி குதம்பாய் காசு முன் செல்லாதடி
ஈசனும் ஈசனார் பூசையும் தேசத்தில்
காசுக்குப் பின்னாலே குதம்பாய் காசுக்குப் பின்னாலே

காட்சியான பணம் கைவிட்டுப் போன பின்
சாட்சிக் கோர்ட் ஏறாதடி
காட்சியான பணம் கைவிட்டுப் போன பின்
சாட்சிக் கோர்ட் ஏறாதடி குதம்பாய் சாட்சிக் கோர்ட் ஏறாதடி
பை பையாய்ப் பொன் கொண்டோர் பொய் பொய்யாய் சொன்னாலும்
மெய் மெய்யாய்ப் போகுமடி குதம்பாய் மெய் மெய்யாய்ப் போகுமடி

நல்லவரானாலும் ம்.. ம்..ம்..
நல்லவரானாலும் இல்லாதவரை நாடு மதிக்காது
நல்லவரானாலும் இல்லாதவரை நாடு மதிக்காது - குதம்பாய்
நாடு மதிக்காது - கல்வி
இல்லாத மூடரைக் கற்றோர் கொண்டாடுதல்
வெள்ளிப் பணமடியே குதம்பாய் வெள்ளிப் பணமடியே

ஆரியக் கூத்தாடினாலும் தாண்டவக்கோனே காசு
காரியத்தில் கண் வையடா தாண்டவக்கோனே
ஆரியக் கூத்தாடினாலும் தாண்டவக்கோனே காசு
காரியத்தில் கண் வையடா தாண்டவக்கோனே
உள்ளே பகை வையடா தாண்டவக்கோனே..ஏ..
உள்ளே பகை வையடா தாண்டவக்கோனே - காசுக்கு
உதட்டில் உறவாடடா தாண்டவக்கோனே
உள்ளே பகை வையடா தாண்டவக்கோனே - காசுக்கு
உதட்டில் உறவாடடா தாண்டவக்கோனே

முட்டாப் பயலையெல்லாந் தாண்டவக்கோனே - சில
முட்டாப் பயலையெல்லாந் தாண்டவக்கோனே - காசு
முதலாளி ஆக்குதடா தாண்டவக்கோனே
முட்டாப் பயலையெல்லாந்தாண்டவக்கோனே - காசு
முதலாளி ஆக்குதடா தாண்டவக்கோனே
கட்டி அழும் போதும் தாண்டவக்கோனே - பிணத்தைக்
கட்டி அழும் போதும் தாண்டவக்கோனே..ஏ..
கட்டி அழும் போதும் தாண்டவக்கோனே - பணப்
பெட்டி மேலே க்ண் வையடா தாண்டவக்கோனே
கட்டி அழும் போதும் தாண்டவக்கோனே - பணப்
பெட்டி மேலே க்ண் வையடா தாண்டவக்கோனே

ஆரியக் கூத்தாடினாலும் தாண்டவக்கோனே காசு
காரியத்தில் கண் வையடா தாண்டவக்கோனே

அமைதியான நதியினிலே ஓடும் ஓடம்

உலகத்தோடு ஒட்ட ஒழுகல் பல கற்றும்
கல்லார் அறிவிலா தார்
எனும் குறளுக்கேற்ப நம்மைச் சேர்ந்தவர்களின் கருத்துக்களுக்கு மதிப்பளித்து, நம் கருத்து ஒன்றே எடுபட வேண்டும் எனும் பிடிவாதத்தை விட்டு வளைந்து கொடுத்து வாழ்வதுவே அறிவுடைமையாகும். இதனை விட்டுக் கொடுத்து வாழ்தல் என்று சொல்கிறார்கள் நம் மூத்தோர். நமது சமுதாயத்தில் குடும்பப் பெண்களுக்கு இத்தகைய குணம் மிகவும் அவசியம்.

நாணலானது காற்றடிக்கையில் அதற்கேற்றாற்போல் வளைந்து கொடுக்கும் தன்மையால் சேதாரமில்லாமல் பிழைக்கிறது, ஆனால் காற்றை எதிர்த்து நிற்கும் மூங்கில் மரங்கள் காற்று பலமாக வீசுகையில் ஒடிந்து விழுகின்றன. நமது சக்திக்கேற்ற செயல்களையே நாம் செய்ய வேண்டும். நமது சக்திக்கு அப்பாற்பட்ட செயலைச் செய்ய முயலுகையில் ஆபத்து விளைகிறது.

சிறு ஓடத்தில் அமர்ந்து ஓர் ஆற்றைக் கடக்கையில் ஆற்றில் வெள்ளம் அளவுக்கு அதிகமானால் கரையில் ஒதுங்குவதே பிழைக்கும் வழி. அது போல நம்மால் எதிர்த்து வெல்ல இயலாத பகை நம்மை விதிவசத்தால் அண்டினால் அதனிடமிருந்து ஒதுங்கி வாழ்தல் நன்று.

மேற்சொன்ன கருத்துக்களை எளிமையான உவமைகளுடன் அழகிய தமிழில் தரும் ஓர் இனிய பாடல்:

அமைதியான நதியினிலே ஓடும் ஓடம்

படம்: ஆண்டவன் கட்டளை
இயற்றியவர்: கவிஞர் கண்ணதாசன்
பாடியோர்: டி.எம். சௌந்தரராஜன், பி. சுசீலா
இசை: எம்.எஸ். விஸ்வநாதன்

அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்
அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்
காற்றினிலும் மழையினிலும் கலங்க வைக்கும் இடியினிலும்
காற்றினிலும் மழையினிலும் கலங்க வைக்கும் இடியினிலும்
கரையினிலே ஒதுங்கி நின்றால் வாழும் ஹோய் ஹோய்
அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்

தென்னை இளங்கீற்றினிலே ஏ... ஏ..
தென்னை இளங்கீற்றினிலே தாலாட்டும் தென்றலது
தென்னை இளங்கீற்றினிலே தாலாட்டும் தென்றலது
தென்னை தனை சாய்த்து விடும் புயலாக வரும்பொழுது
தென்னை தனை சாய்த்து விடும் புயலாக வரும்பொழுது

அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்

ஆற்றங்கரை மேட்டினிலே ஆடி நிற்கும் நாணலது
ஆற்றங்கரை மேட்டினிலே ஆடி நிற்கும் நாணலது
காற்றடித்தால் சாய்வதில்லை கனிந்த மனம் வீழ்வதில்லை
காற்றடித்தால் சாய்வதில்லை கனிந்த மனம் வீழ்வதில்லை

அமைதியான நதியினிலே ஓடும் ஓடம் (ஓ..)
அளவில்லாத வெள்ளம் வந்தால் ஆடும்
அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்

நாணலிலே காலெடுத்து நடந்து வந்த பெண்மை இது
நாணலிலே காலெடுத்து நடந்து வந்த பெண்மை இது
நாணம் எனும் தென்றலிலே தொட்டில் கட்டும் மென்மையிது
நாணம் எனும் தென்றலிலே தொட்டில் கட்டும் மென்மையிது

அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்

அந்தியில் மயங்கி விழும் காலையில் தெளிந்து விடும்
அந்தியில் மயங்கி விழும் காலையில் தெளிந்து விடும்
அன்பு மொழி கேட்டுவிட்டால் துன்பநிலை மாறிவிடும்
அன்பு மொழி கேட்டுவிட்டால் துன்பநிலை மாறிவிடும்

அமைதியான நதியினிலே ஓடும் ஓடம்
அளவில்லாத வெள்ளம் வந்தால் ஆடும்
காற்றினிலும் மழையினிலும் கலங்க வைக்கும் இடியினிலும்
கரையினிலே ஒதுங்கி நின்றால் வாழும் ஓ..ஓ..
அமைதியான நதியினிலே ஓடும் ஓடம் (ஓ..)

அளவில்லாத வெள்ளம் வந்தால் ஆடும்
அமைதியான நதியினிலே ஓடும் ஓடம்

பிறக்கும் போதும் அழுகின்றாய்

வாழ்க்கை வாழ்வதற்கே. உலகில் வந்து பிறந்த பின்னர் வாழத்தான் வேண்டும். அவ்வாழ்வை இன்பமுள்ளதாக வாழ்வதும், கவலைப்பட்டு அனுதினமும் செத்துச் செத்துப் பிழைப்பதும் அவரவர் மனப்பாங்கைப் பொறுத்தது. இருக்கும் சுகங்களை அனுபவிக்கக் கற்றுக்கொள்ளும் மனிதன் இன்பமடைகிறான். இல்லாததையே எண்ணிக் கவலை கொண்டு ஏங்குபவன் துன்பமடைகிறான்.
அழுதுகொண்டே பிறக்கும் மனிதன் அழுதுகொண்டே இறக்கிறான். இடைப்பட்ட காலத்திலாவது இன்பமாய் வாழத் தெரியாதவன் வாழ்ந்தும் வாழாதவனே.

சுயநலம் கொண்டு வாழ்பவன் என்றும் எதைக்கொண்டும் திருப்தியடைவதில்லை. தன்னிடம் உள்ள பொருளைப் பிறருக்கு அளித்து, அவர்களது கவலை தீர்த்து, அவர்களது மகிழ்ச்சியில் தானும் மகிழ்பவன் எல்லையில்லாத பேரின்பத்தை எய்துகிறான்.

பிறக்கும் போதும் அழுகின்றாய்

படம்: கவலை இல்லாத மனிதன்
பாடியவர்: ஜே.பி. சந்திரபாபு
இயற்றியவர்: கண்ணதாசன்
இசை: எம்.எஸ். விஸ்வநாதன்

பிறக்கும் போதும் அழுகின்றாய் இறக்கும் போதும் அழுகின்றாய்
பிறக்கும் போதும் அழுகின்றாய் இறக்கும் போதும் அழுகின்றாய்
ஒரு நாளேனும் கவலையில்லாமல் சிரிக்க மறந்தாய் மானிடனே
ஒரு நாளேனும் கவலையில்லாமல் சிரிக்க மறந்தாய் மானிடனே
பிறக்கும் போதும் அழுகின்றாய் இறக்கும் போதும் அழுகின்றாய்

இரவின் கண்ணீர் பனித்துளி என்பார்
முகிலின் கண்ணீர் மழையெனச் சொல்வார்
இரவின் கண்ணீர் பனித்துளி என்பார்
முகிலின் கண்ணீர் மழையெனச் சொல்வார்
இயற்கை அழுதால் உலகம் செழிக்கும்
மனிதன் அழுதால் இயற்கை சிரிக்கும்
இயற்கை சிரிக்கும்

பிறக்கும் போதும் அழுகின்றாய் இறக்கும் போதும் அழுகின்றாய்
அன்னையின் கையில் ஆடுவதின்பம்
கன்னியின் கையில் சாய்வதும் இன்பம்
அன்னையின் கையில் ஆடுவதின்பம்
கன்னியின் கையில் சாய்வதும் இன்பம்
தன்னை அறிந்தால் உண்மையில் இன்பம்
தன்னலம் மறந்தால் பெரும்பேரின்பம்
பெரும்பேரின்பம்

பிறக்கும் போதும் அழுகின்றாய் இறக்கும் போதும் அழுகின்றாய்
ஒரு நாளேனும் கவலையில்லாமல் சிரிக்க மறந்தாய் மானிடனே

வா கலாப மயிலே

இசைக்கு மட்டுமன்றி இயல் இசை நாடகம் உள்ளிட்ட பல கலைகளுக்கும் வித்திட்டது காதலே என்பதை சற்று சிந்தித்துப் பார்த்தால் புரியும். காதல் ஒவ்வொருவரது உயிர்த் துடிப்பாக விளங்குவதென்பது உலகறிந்த ரகசியம். அரசகுமாரியான ஒரு அழகு தேவதையை எதேச்சையாக ஒரு நந்தவனத்திலே கண்டு அவளது காதலில் விழுகிறான் காளை ஒருவன்.
ஆனால் சந்தர்ப்ப சூழ்நிலை காரணமாக அவனால் அவளுடன் பேச முடியவில்லை, அவள் மேல் மனதில் உதித்த காதற் கவிதையையும் எடுத்துரைக்க நேரமில்லாமல் போகிறது. இக்கட்டான இந்நிலையில் அவன் என்ன செய்வான். துணிந்து மாறுவேடமணிந்து அரண்மனை வாயிலில் இருந்த ஓர் மரத்தடியில் அமர்ந்து அவள் மேல் தன் மனதில் எழுந்த பாடலை உரக்கப் பாடுகிறான். அவன் பாடும் பாடலோசை காதலியின் காதில் விழ அவளும் அனலில் விழுந்த புழுவாய்த் துடிக்கிறாள். கன்னிப்பெண்ணான அவள் அரசகுமாரியாக இருந்த போதிலும் அரண்மனையின் கட்டுக் காவலை மீறி வெளியே செல்ல முடியாத நிலை. காளை கன்னியை சந்தித்தானா? தன் காதலைச் சொன்னானா?

நடிகர் திலகம் சிவாஜி கணேசன் நடித்த காத்தவராயன் திரைப் படத்தைப் பார்த்தால் விடை கிடைக்கும். காத்தவராயன் முருகனின் அவதாரமென்றும் பார்வதி தேவியின் பிள்ளை எனவும் சொல்லப்படுகிறது.

வா கலாப மயிலே

படம்: காத்தவராயன்
நடிகர்கள்: சிவாஜி கணேசன், என்.எஸ். கிருஷ்ணன், சாவித்திரி, கண்ணாம்பா, ஈ.வி. சரோஜா
பாடலாசிரியர்: டி.என். ராமையாதாஸ்
இசை: ஜி. ராமநாதன்
பாடியவர்: டி.எம். சௌந்தரராஜன்
தயாரிப்பு: டி.ஆர். ராமண்ணா

வா கலாப மயிலே வா கலாப மயிலே ஓடி நீ
வா கலாப மயிலே ஓடி நீ வா கலாப மயிலே

வந்தேன் கனியமுதம் தந்தேன் மகிழ்ந்திடவே வா
வந்தேன் கனியமுதம் தந்தேன் மகிழ்ந்திடவே
வா கலாப மயிலே ஓடி நீ வா கலாப மயிலே

வாழ்நாளில் இனி நான்
வாழ்நாளில் இனி நான் வளம் பெறவே
வாழ்நாளில் இனி நான் வளம் பெறவே
வண்ணத் தமிழ்க் கலையே துள்ளித் துள்ளி விளையாட வா
வண்ணத் தமிழ்க் கலையே துள்ளித் துள்ளி விளையாட வா
நீ வா கண்ணே வா கலாப மயிலே ஓடி நீ வா கலாப மயிலே

ஆலையின் கரும்பானேன் ஆழியின் துரும்பானேன்
ஆலையின் கரும்பானேன் ஆழியின் துரும்பானேன்
காலமெல்லாம் உன்தன் காதலில் மெலிந்தேனே
காலமெல்லாம் உன்தன் காதலில் மெலிந்தேன்
விண்ணோடு விளையாடும் வளர்மதியே
விண்ணோடு விளையாடும் வளர்மதியே என்தன்
கண்ணோடு கனிந்தாடும் கலை நிதியே
கண்ணோடு கனிந்தாடும் கலை நிதியே
எந்நாளும் மறவேனே எழில் ரதியே
எந்நாளும் மறவேனே எழில் ரதியே

மின்னலிடைக் கொடியே அன்னநடை அழகோடு வா
மின்னலிடைக் கொடியே அன்னநடை அழகோடு வா
வாராயோ என்னைப் பாரயோ கலி தீராயோ
கண்ணே வாராயோ என்தன்
ஆரியமாலா ஆரியமாலா ஆரியமாலா ஆரியமாலா
ஆரியமாலா ஆரியமாலா ஆரியமாலா ஆரியமாலா

அக்காளுக்கு வளைகாப்பு

காதலர் இருவர் கருத்தொருமித்து ஆதரவு பட்ட இன்பம் தரும் இல்லற வாழ்வில் இருவரும் எய்தும் பேரின்பம் குலம் தழைக்க ஒரு பிள்ளையைப் பெறுவதுவே. அதிலும் மனைவி கருவுற்று அவளுக்கு வளைகாப்பு நடைபெறுகையில் இவ்வின்பம் பெரும் எதிர்பார்ப்புடன் கலந்து ஒருவித உணர்ச்சிப் பெருக்கினை உண்டாக்க வல்லது.
தனியொரு மனிதன் எனும் சாதாரண நிலையிலிருந்து தந்தை எனும் பெரும் பதவியைப் பெறும் பெருமிதம் கணவன் முகத்தில் காணும் நன்னாளிது. இந்த வளைகாப்பு விழாவைக் கொண்டாட மனைவியின் உடன் பிறந்த சகோதரி இருந்துவிட்டால் இந்த இன்பம் பன்மடங்காகப் பெருகி அனைவரையும் உற்சாகப் படுத்தத் தவறுவதில்லை.

மலர்கள் சூட்டி, மஞ்சள் கூட்டி, வளையல் பூட்டி, திலகம் தீட்டி கர்ப்பிணிப் பெண்ணைப் போற்றி மகிழ்ந்து பாராட்டும் இந்நாளை மகிழ்வுடன் கொண்டாடாத மனிதர் யாரும் இல்லை. அன்று அவளுக்குப் பூட்டி மகிழும் வண்ண வண்ன வளையல்களின் சிறப்பையும் விழாவில் கணவன் மனைவி இருவரின் மன நிலையையும் அழகு தமிழில் விளக்கும் ஒரு அற்புதமான பாடல்:

அக்காளுக்கு வளைகாப்பு

படம்: கல்யாணப் பரிசு
ஜிக்கி குழுவினர்
இயற்றியவர்: பட்டுக்கோட்டை கலியாண சுந்தரம்


ம்ங்கையர் முகத்திலே கொஞ்சி விளையாடும்
மஞ்சள் நிற வளையல் இது வாழ்வு தரும் வளையல்
மங்கலப் பெண்குலம் பொட்டு வைத்தே மகிழும்
குங்கும நிறத்தோடு குலுங்கும் திரு வளையல்
வற்றாத மாநில வளந்தனை விளக்கிடும்
வற்றாத மாநில வளந்தனை விளக்கிடும்
மங்காத பச்சை நிறம் வழங்கும் எழில் வளையல் - தும்பை
மலர் போன்று இரு மனமும் மாசின்றி வாழ்கவென
வாயார வாழ்த்திடும் வெண்சங்கு வளையல்
வாயார வாழ்த்திடும் வெண்சங்கு வளையல்

அக்காளுக்கு வளைகாப்பு அத்தான் முகத்திலே புன்சிரிப்பு
அக்காளுக்கு வளைகாப்பு அத்தான் முகத்திலே புன்சிரிப்பு
அக்கம் பக்கம் கலகலப்பு யாரைப் பார்த்தாலும் சுறுசுறுப்பு
தந்தானே தன்னத்தானே தானே தானானே தையத்தானே
தந்தானே தன்னத்தானே தானே தானானே தையத்தானே

முத்துப் போலே பவழக் கொத்துப் போல இன்னும்
மூணு மாசம் போனா மகன் பொறப்பான்
முத்துப் போலே பவழக் கொத்துப் போல இன்னும்
மூணு மாசம் போனா மகன் பொறப்பான்
பட்டுப்போலத் தங்கத் தட்டுப் போலே கரும்புக்
கட்டுப் போலக் கிடந்து கண்னைப் பறிறப்பான்

அக்காளுக்கு வளைகாப்பு அத்தான் முகத்திலே புன்சிரிப்பு
தந்தானே தன்னத்தானே தானே தானானே தையத்தானே

ஒண்ணும் தெரியாத சின்னப் பிள்ளை போலே
ஒக்காந்திருக்காரு மாப்பிள்ளை அத்தான் ஆமா
ஒக்காந்திருக்காரு மாப்பிள்ளை அத்தான் - அவர்
கண்ணே முழிக்கிறாரு சும்மா கனைக்கிறாரு
என்னான்னு கேளுங்கடி சங்கதியத் தான் - அடி
என்னான்னு கேளுங்கடி சங்கதியத் தான் - அடி
எனக்குந்தெரியாது ஒனக்குந்தெரியாது
ஏதேதோ பேசுறாங்க ரெண்டு பேரும் - அதை
வெளக்க முடியாது வெவரம் புரியாது
வேணாண்டி நமக்கது ரொம்ப தூரம் - அடி
ஆமாண்டி நமக்கது ரொம்ப தூரம்

அக்காளுக்கு வளைகாப்பு அத்தான் முகத்திலே புன்சிரிப்பு
தந்தானே தன்னத்தானே தானே தானானே தையத்தானே

தாலாட்டுப் பாடி இவர் தாயாகி மகனுக்குப்
பாலூட்ட நெருங்குது நாளு
தாலாட்டுப் பாடி இவர் தாயாகி மகனுக்குப்
பாலூட்ட நெருங்குது நாளு - அவன்
காலாட்டிக் கையாட்டித் துள்ளுறதைப் பாத்துப்புட்டா
கீழே விட மாட்டாரு ஆளு - அவனைக்
கீழே விட மாட்டாரு ஆளு

அக்காளுக்கு வளைகாப்பு அத்தான் முகத்திலே புன்சிரிப்பு
அக்கம் பக்கம் கலகலப்பு யாரைப் பார்த்தாலும் சுறுசுறுப்பு
தந்தானே தன்னத்தானே தானே தானானே தையத்தானே
தந்தானே தன்னத்தானே தானே தானானே தையத்தானே

உன்னால் முடியும் தம்பி தம்பி

வெறுமனே நல்ல காலம் வருகுது, சாதிகள் தொலையுது, சண்டைகள் தீருது என்று சொல்வதால் நல்ல காலம் வந்து விடாது. மந்திரத்தால் மாங்காய் வீழ்வதில்லை. அவ்வாறு நல்ல காலம் வருவதற்கு உழைக்க வேண்டும். யார் உழைக்க வேண்டும்? பணி ஓய்வு பெறும் வயதைக் கடந்து நாளொரு வியாதியும் பொழுதொரு பிரச்சினையுமாய் வாழ்க்கையைத் தள்ளும் வயோதிகரா? அல்ல. குருதியில் துடிப்புள்ள இளைஞர்கள் தங்கள் நோக்கத்தை நாட்டினை வலிமை மிக்கதாக ஆக்கும் பணிக்கு எனத் திருத்தி அமைத்துக் கொண்டு சமுதாய சீர்கேடுகளை நீக்கிப் புதியதோர் உலகம் படைத்திடப் பாடுபடுதல் வேண்டும்.
ஆனால் இன்றைய இளைஞர்களில் பலர் தங்களால் இத்தகைய மாபெரும் சாதனையை நிகழ்த்த இயலுமா என ஐயுற்று, ஏதோ கிடைத்த பணியைச் செய்து, ஊதியம் ஈட்டி, உயிர் வாழ்ந்து கொண்டு, தங்களால் இயன்ற உதவியை நண்பர்களுக்கும் நம்மில் நலிவடைந்தோருக்கும் செய்தால் போதும் என்ற நோக்கில் செயல்படுகின்றனர். ஆஞ்சனேயனுக்குத் தனது பலம் தெரியாத நிலையில் அவனது பலத்தை அவனுக்கு நினைவுறுதியதாலேயே அவனால் கடலைக் கடந்து, சீதையைக் கண்டு ராமாயண காவியம் சுபமாக நிறைவேற உதவ முடிந்தது.

நம் நாட்டின் இளைஞர்களுக்கு அவர்களது பலத்தை நினைவூட்டி, "நாளைய நாட்டின் தலைவனும் நீயே, நம்பிக்கை கொண்டு வருவாயே, உனக்கென ஓர் சரித்திரமே எழுதும் காலம் உண்டு" என்று அவர்களைத் தட்டி எழுப்ப வல்லதொரு பாடல்:

உன்னால் முடியும் தம்பி தம்பி

திரைப்படம்: உன்னால் முடியும் தம்பி
இயற்றியவர்: பொன் மகாலிங்கம்
பாடியவர்: எஸ்.பி. பாலசுப்பிரமணியம்
இசை: இளையராஜா

உன்னால் முடியும் தம்பி தம்பி உனக்குள் இருக்கும் உன்னை நம்பி
உன்னால் முடியும் தம்பி தம்பி - அட உனக்குள் இருக்கும் உன்னை நம்பி
தோளை உயர்த்து துங்கி விழும் நாட்டை எழுப்பு - உன்
தோளை உயர்த்து துங்கி விழும் நாட்டை எழுப்பு
எதையும் முடிக்கும் இதயம் உன்னில் கண்டேன்

உன்னால் முடியும் தம்பி தம்பி - அட உனக்குள் இருக்கும் உன்னை நம்பி

நாளைய நாட்டின் தலைவனும் நீயே நம்பிக்கை கொண்டு வருவாயே
உனக்கென ஓர் சரித்திரமே எழுதும் காலம் உண்டு

உன்னால் முடியும் - அட உன்னால் முடியும் - ஆஹா
உன்னால் முடியும் தம்பி தம்பி - அட உனக்குள் இருக்கும் உன்னை நம்பி

ஆகாய கங்கை காய்ந்தாலும் காயும் சாரய கங்கை காயாதடா
ஆள்வோர்கள் போடும் சட்டங்கள் யாவும் காசுள்ள பக்கம் பாயாதடா
குடிச்சவன் போதையில் நிற்பான் குடும்பத்தை வீதியில் வைப்பான்
தடுப்பது யாரென்று கொஞ்சம் நீ கேளடா
கள்ளுக்கடைக் கடைக் காசிலே தாண்டா கட்சிக் கொடி ஏறுது போடா
கள்ளுக்கடைக் கடைக் காசிலே தாண்டா கட்சிக் கொடி ஏறுது போடா
மண்ணோடு போகாமல் நம் நாடு திருந்தச் செய்யோணும்

உன்னால் முடியும் - அட உன்னால் முடியும் - ஆஹா
உன்னால் முடியும் தம்பி தம்பி - அட உனக்குள் இருக்கும் உன்னை நம்பி

கல்லூரி பள்ளி இல்லாத ஊரை கையோடு இன்றே தீ மூட்டுவோம்
கல்லாத பேர்கள் இல்லாத நாடு நம் நாடு என்றே நாம் மாற்றுவோம்
இருக்கிற கோவிலை எல்லாம் படிக்கிற பள்ளிகள் செய்வோம்
அறிவெனும் கோபுரம் அங்கே நாம் காணுவோம்
வானம் உங்கள் கைகளில் உண்டு ஞானம் உங்கள் நெஞ்சினில் உண்டு
வானம் உங்கள் கைகளில் உண்டு ஞானம் உங்கள் நெஞ்சினில் உண்டு
நான் என்று எண்ணாமல் நாம் என்று உறவு கொள்ளணும்

க கஸ்ம தபத நிதநி
மமமமகஸ மமமம தம ததததநி நிதநிநிநிநி
ஸ்ஸ்ஸ் நிதநி தநித மதம
நிஸ்நி தஸ்நி தநித மஸக

உன்னால் முடியும் அட உன்னால் முடியும் ஆஹா
உன்னால் முடியும் தம்பி தம்பி அட
உனக்குள் இருக்கும் உன்னை நம்பி
தோளை உயர்த்து துங்கி விழும் நாட்டை எழுப்பு - உன்
தோளை உயர்த்து துங்கி விழும் நாட்டை எழுப்பு
எதையயும் முடிக்கும் இதயம் உன்னில் கண்டேன்
உன்னால் முடியும் தம்பி தம்பி - அட
உனக்குள் இருக்கும் உன்னை நம்பி

புஞ்சை உண்டு நஞ்சை உண்டு

குழந்தைகள் அனைவருக்கும் தரமான கல்வி இலவசமாக, அனைவருக்கும் இலவசப் பள்ளி மற்றும் கல்லூரிக் கல்வி, படித்த, படிக்காத இளைஞர்கள் மற்றும் அனைவருக்கும் அவரவர் தகுதிக்கேற்ப நிச்சயமான வேலைவாய்ப்பு, உழைப்புக்கேற்ற ஊதியம், நியாய விலையில் அனைத்துக் கடைகளிலும் சாமான்கள், அனைவருக்கும் சுத்தமான குடிநீர், தூய்மையான சுற்றுப்புறச் சூழல், அனைவருக்கும் குறைந்த செலவில் மற்றும் இலவசமாக அரசு மற்றும் தனியார் மருத்துவ மனைகளில் தரமான மருத்துவ சிகிச்சை, நேர்மையான அரசியல், முறையான வரி வசூல், மேடு பள்ளங்களற்ற சீரான பாதைகள், குறைந்த கட்டணத்தில் போக்கு வரத்து வசதி, இவையும் இத்தகைய பிற அத்தியாவசியத் தேவைகள் அனைவருக்கும் நிறைவேறும் நல்ல காலம் நம் நாட்டுக்கு என்று வருமோ என்று ஏங்கும் உள்ளங்களுக்கு நம்பிக்கையூட்ட இதோ ஒரு மணியான பாடல்.

புஞ்சை உண்டு நஞ்சை உண்டு

உன்னால் முடியும் தம்பி
இயக்கியவர்: கே. பாலச்சந்தர்
நடிகர்கள்: ஜெமினி கணேசன், கமலஹாசன், சீதா, ஜனகராஜ், மீசை முருகேஷ், நாசர், வி.கே. ராமசாமி
பாடியவர்: எஸ்.பி. பாலசுப்பிரமணியம்
இசை: இளையராஜா
பாடலாசிரியர்: முத்துலிங்கம் புலமைப்பித்தன்

தந்தன்னானா தந்தன்னானா தந்தன்னானா தானா
தந்தன்னானா தந்தன்னானா தந்தன்னானா தந்தன்னானா

புஞ்சை உண்டு நஞ்சை உண்டு பொங்கி வரும் கங்கை உண்டு
பஞ்சம் மட்டும் இன்னும் இங்கு மாறவில்லே - எங்க
பாரதத்தின் சோத்துச் சண்டை தீரவில்லே
வீதிக்கொரு கட்சி உண்டு சாதிக்கொரு சங்கம் உண்டு
நீதி சொல்ல மட்டும் இங்கு நாதி இல்லே - சனம்
நிம்மதியா வாழ ஒரு நாளுமில்லே - இது
நாடா இல்லே வெறும் காடா? - இதெக்
கேக்க யாரும் இல்லே தோழா - இது
நாடா இல்லே வெறும் காடா? இதெக்
கேக்க யாரும் இல்லே தோழா

புஞ்சை உண்டு நஞ்சை உண்டு பொங்கி வரும் கங்கை உண்டு
பஞ்சம் மட்டும் இன்னும் இங்கு மாறவில்லே - எங்க
பாரதத்தின் சோத்துச் சண்டை தீரவில்லே

வானத்தை எட்டி நிற்கும் உயர்ந்த மாளிகை
யரிங்கு கட்டி வைத்துக் கொடுத்தது?
ஊருக்குப் பாடுபட்டு இளைத்த கூட்டமோ
வீடின்றி வாசலின்றித் தவிக்குது
எத்தனை காலம் இப்படிப் போகும்?
என்றொரு கேள்வி நாளை வரும்
உள்ளவை எல்லாம் யாருக்கும் சொந்தம்
என்றிங்கு வாழும் வேளை வரும்
ஆயிரம் கைகள் கூடட்டும் ஆனந்த ராகம் பாடட்டும்
நாளைய காலம் நம்மோடு நிச்சயம் உண்டு போராடு
வானகமும் வையகமும் எங்கள் கைகளில் என்றாடு

புஞ்சை உண்டு நஞ்சை உண்டு பொங்கி வரும் கங்கை உண்டு
பஞ்சம் மட்டும் இன்னும் இங்கு மாறவில்லே - எங்க
பாரதத்தின் சோத்துச் சண்டை தீரவில்லே

ஆத்துக்குப் பாதை இங்கு யாரு தந்தது?
தானாகப் பாதை கண்டு நடக்குது
காத்துக்குப் பாட்டுச் சொல்லி யாரு தந்தது?
தானாகப் பாட்டு ஒண்ணு படிக்குது
எண்ணிய யாவும் கைகளில் சேரும்
நம்பிக்கை வேண்டும் நெஞ்சுக்குள்ளே
காலையில் தோன்றும் சூரியன் போலே
பொன்னொளி வேண்டும் கண்ணுக்குள்ளே
சேரியில் தென்றல் வீசாதா ஏழையை வந்து தீண்டாதா?
கங்கையும் தெற்கே பாயாதா? காவிரியோடு சேராதா?
பாடுபடும் தோழர்களின் தோள்களில் மாலை சூடாதா?

புஞ்சை உண்டு நஞ்சை உண்டு பொங்கி வரும் கங்கை உண்டு
பஞ்சம் மட்டும் இன்னும் இங்கு மாறவில்லே - எங்க
பாரதத்தின் சோத்துச் சண்டை தீரவில்லே - இது
நாடா இல்லே வெறும் காடா? - இதெக்
கேக்க யாரும் இல்லே தோழா - இது
நாடா இல்லே வெறும் காடா? - இதெக்
கேக்க யாரும் இல்லே தோழா